طفل كبير

حاسس جوايا طفل كبير
طفل عايز يجرى ويطير
طفل كاتم حاجات كتير
كاتم اللام ودموع كتير
طفل بيعرف يتكلم
و مفيش حد بيسمعه
طفل بيعرف يحب
و مش لاقى اللى يحبه

حاسسنى طفل هيمان
طفل محتاج لحنان
محتاج لقلب كبير
قلب يخدنى ويطير
يطير بيا وسط العصافير
قلب يضمنى جواه يحسسنى بدفاه
يضحك ويفرح معايا فى فرحى
يبكى ويزعل معايا فى جرحى

حاسسنى طفل ضعيف
مش عارف اكمل وانا وحيد
مش عايز طول عمرى ابئى وحيد

جوايا طفل دموعه واقفة على طرف عينيه
بيصرخ جوايا وصرخته بتهزنى
بتألمنى بتهدنى
بيقولى كفاية بئى مليت محتاج لحضن يضمنى
يلمسنى ويشدنى
يحسسنى انى طفل مش كبير
يحسسنى انى حالم وأمير
عايز حد يطمنى انى عايش
حد يقولى انا هفضل معاك وهقويك
عايش معاك وجنبيك
هخدك فى حضنى واخبيك
عايزاك تطمن وانا جنبيك

حاسسنى طفل محدش حاسس بيه
طفل بيعيط ومحدش بيجرى عليه
مهمل من كل اللى حواليه
محدش بيمدله ايديه

جوايا طفل بقوله انتا اصلا كبير
يقولى طول منا وحيد
يبقى انا لسة طفل كبير
جوايا طفل نفسى اشوفه كبير