انا كمان حلمت بيكى

مش انتى بس الى بتحلمى
انا برده بحلم بئالى كتير

عارفين
انا بحلم بيها من سنين
زمان وانا صغير شوفتها
فراشة حلوة بتطير وبتلعب حواليا
شوفتها حيرانا وبتدور عليا
سمعتها بتسال عليا
كان نفسى اصرخ واقولها
اطمنى انا هنا

عارفين لما كبرت شويتيتن
كبرت الحلوة حبتين
احلوت بدل المرة اتنين

جالها كتير وقلولها تعالى
قالتهلم لا انا مستنيا فارس احلامى
واهى لسة مستنيانى
لسة بتحلم بيا وهى نايمة
مع انى بحلم بيها كل حين

بحلم بيها بتقولى
ياه دانا مستنياك بقالى كتير
بحلم بيها بتقولى
دانتا ليك عندى حاجات كتير
ليك عندى انا
ليك عندى قلبى
ليك عندى روحى
ليك عندى احساسى

سامعاها بتقولى
خدنى منى لجوا قلبك
احضنى جواك
حاسسنى بدفاك
المسنى بئى انتا فين
حسسنى بطعم الحنين
عرفنى انا ابقى مين
ياللى انتى فارس احلامى
ياللى انتا عمرى وايامى
ياللى انتا امير مملكتى
تسمحلى اسكن احلامك

عايز اقولك
ياللى انتى عايشا جوايا
ياللى انتى حلمى ومنايا

انا جايلك استنينى
انا جايلك عشان وحشتينى